Turi ballkanik/ Rama pas takimit me Vuçiçin: Mos na pengoni të bëjmë më të mirën për rajonin. Dialogu, rruga e vetme për paqen

Kryeministri Edi Rama në takimin e zhvilluar me presidentin serb Aleksandër Vuçiç, në kuadër turit ballkanik, ka thënë se rruga e vetme për të ecur përpara është bashkëpunimi dhe paqja.

Gjithashtu ai u shpreh se rritja e tensioneve nuk është zgjidhje. Kryeministri shtoi se dialogu është rruga e vetme për paqen në rajon.

“Rruga e vetme, për të ecur përpara nuk është nxitja e tensioneve, por rruga e dialogut dhe arritja e dakordësinë mbi marrëveshjen që buron nga plani franko-gjerman. Duhet hapura rruga e arsyes dhe pastaj të kalohet në procesin e dialogut”, ka thënë Rama, duke shtuar: “Ne jemi mësuar të kuptojmë se nuk nuk mund të biem dakord me të gjithë, por të mos na pengojë të bëjmë më të mirat për rajonin tonë, për një proces bashkëpunimi dhe paqeje”.

Kjo vizitë e Ramës në Serbi, vjen pas përfundimit të takimeve në Maqedoninë e Veriut, Kosovë  dhe Mal të Zi.

Më herët 

Gazetari Ergys Gjençaj raportoi për News24 detaje mbi vizitën e Ramës në Beograd dhe pritjen nga lideri serb, Aleksandër Vuçiç.

“Ky është stacioni i fundit i Ramës në kuadër të turit ballkanik. Pak momente më parë Rama u prit nga Vuccicc. Ky është takimi parë ballafaques për ecurinë e Ballkanit të Hapur dhe atë të Berlinit. Ja në dy momente të rëndësishme që do të ballafaqohet Rama dhe Kurti. Rama ka bërë thirrje Kurtit dhe Vuçiçit për të dialoguar. Kujtojmë se Rama ka bërë një draft asociacionin për tensionet mes Kosovës dhe Serbisë. Pritet një takim mes të dyve dhe idetë e tyre për procesin e Berlinit. Menjëherë pas takimit të tyre do të ketë një konferencë për shtyp”, raportoi Gjençaj.

(BalkanWeb)