Zgjedhjet në PD/ Gara mes Bashës dhe Gjergji Hanit, mbyllet procesi i votimit në disa degë. Ja kush kryeson

Mes debateve, përplasjeve e tensioneve të brendshme, Partia Demokratike zgjedh sot kryetarin e ri. Që në orët e para të mëngjesit demokratët iu drejtuan qendrave të votimit. Në garë në këtë proces, janë ish-kreu i PD Lulzim Basha dhe Gjergji Hani.

Ndërkohë pas mbylljes së procesit të votimit për zgjedhjen e kreut të ri të Partisë Demokratike, në disa degë kanë dalë edhe rezultatet e para.

Në Delvinë mësohet se nga 366 votues, kanë votuar 194 prej tyre.

Nga këto vota, ish-kreu i PD Lulzim Basha mori 150 vota, ndërsa Gjergji Hani ka marrë 38 vota.

Sakaq të pavlefshme kanë rezultuar 6.

Bashkia Dimal
Nga 216 anëtarë votuan 183

Lulzim Basha ka marrë 177 vota

Gjergji Hani 2 vota

4 të pavlefshme

Bashkia Skrapar

Nga 134 anëtarë votuan 116

Lulzim Basha ka marrë 101 vota

Gjergji Hani 15 vota

Bashkia Poliçan

Lulzim Bashaa marrë 169 vota

Gjergji Hani ka marrë 12 vota

Rezultatet në Kurbin:

Basha 473 vota

Gjergj Hani 35

4 të pavlefshme

Përmet:

Basha-63

Gjergji Hani: 18

Gramsh:

Basha-21 vota

Gjergji Hani: 11

Gjithashtu ka përfunduar procesi i numërimit edhe në Sarandë. Nga 270 votues në lista, morën pjesë  212.

Lulzim Basha mori 190 vota, ndërsa Gjergj Hani mori 18. Ndërkohë që 4 vota ishin të pavlefshme.

Gjirokastra

630 vota në total.

Lulzim Basha -560

Gjergji Hani- 58

13 të pavlefshme

Dega 9 në kryeqytet

407 në total

Lulzim Basha 379 vota

Gjergji Hani 23

5 të pavlefshme

Deputetët pjesëmarrës në këtë proces kanë qenë vetëm Kreshnik Çollaku, Eralda Bano, Merita Bakiu, Flutura Açka, Orjola Pampuri, Arbi Agalliu, Enkelejd Alibeaj dhe Selaudin Jakupllari.

Të gjithë deputetët e tjerë të PD, përfshirë Gazment Bardhin apo Jorida Tabakun, e kanë bojkotuar këtë proces, duke e konsideruar si anti-statutor.

Nga 25 mijë anëtarë të thirrur të votojnë deri në orën 17:00, kreu i Komisionit të Zgjedhjeve të kësaj partie, Jemin Gjana deklaroi se kishin votuar 13, 700 anëtarë.

Nga ana e tij Kryetari i Komisionit Zgjedhore në PD, Jemin Gjana, njoftoi se deri në orën 17:00 kanë votuar rreth 13 700 anëtarë të PD-së, që do të thotë rreth 54 % pjesëmarrje.

“Me të dhënat e orës 17:00, shifra është diku te 13 700 votues, që do të thotë rreth 54 % pjesëmarrje. Përgjithësisht ka qenë ditë e qetë. Ne kemi lëvizur në terren, nuk ka pasur probleme. Ka qenë ditë e qetë votimesh dhe presim të ketë të dhëna më të mira, pasi tani pasdite ka pasur demokratë që i janë afruar qendrave të votimit. Nga të gjitha të dhënat që kemi, ka patur një fluks jo të vogël individësh që kanë votuar. Kanë votuar individë me karta identiteti. Nuk është pranuar askush pa kartë. Ku ka ende persona jashtë qendrave të votimit, do të lejohen të votojnë. Nuk ka patur mbledhje të Këshillit Kombëtar të PD-së. Ai i para 3 ditëve e dini si është? Sikur bostani që është në treg, që shumë herë e kapim pa shije. Si bostani i shartuar me kungull. Nuk është Këshilli Kombëtar i PD-së ai. Këshilli Kombëtar janë të gjithë ata që kemi votuar ne në 2021. Nuk janë bërë pjesë ata që janë te Këshilli Kombëtar i partisë tjetër. Votimi i vetëm 8 deputetëve nuk është situatë normale. Është zgjedhje e tyre, vetëm një gjë të jetë e qartë, edhe në situatat më të vështira kur ka qenë PD, edhe kur Kryesia u shkërmoq dhe nuk vinte dhe ishte vështirë të merrje vendime, asnjëherë nuk është pranuar që vendimet t’i marrë Grupi Parlamentar”, ka thënë Gjana.

()