“Inter është favorit për të fituar titullin, mos të harrojmë se edhe Napoli do jetë në garë”

Kush do të fitojë titullin në Serie A? Kjo është pyetja që mundon tifozët e futbollit italian. Ish-trajneri i njohur, Luigi del Neri ka dhënë mendimin e tij, për mediat.

“Unë e shoh Interin si favorit. Dzeko dhe Lukaku janë larguar, por Lautaro është më i përgjegjshëm dhe Frattesi është një mesfushor i madh. Finalja e Champions League ka rrënjosur më shumë siguri dhe bindje te Interi, i shoh ata më të fokusuar në kampionat.

Nuk duhet të harrojmë Napolin. Është e vështirë të rifitosh përsëri por Spalletti ka lënë një trashëgimi të madhe. Milan dhe Juve kanë kalibër për të hyrë sërish në garë” – Tha ai.

()