PSG kërkon një tjetër sulmues, kampionët e Francës tentojnë lojtarin e Bundesligës

Paris Saint-Germain nuk ka ndërmend të ndalet te Gonçalo Ramos për të përforcuar sulmin dhe po synon fuqishëm edhe Randall Kolo Muani të Eintracht Frankfurt. Francezi, një pjesë e vlefshme e skuadrës së Frankfurtit, ka një çmim shumë të lartë, gati 100 milionë euro, por siç zbulon Sport1, gjermanët janë gati të merren vesh me kampionët e Francës në një mënyrë tjetër.

Klubi gjerman, në fakt, është i hapur për një shitje me një shpenzim më të ulët financiar, por me përfshirjen e Hugo Ekitike, sulmuesit të ri të PSG-së, i lindur në vitin 2002, të cilin parisienët e blenë nga Reims një vit më parë. Duke sjellë futbollistin e ri, Eintracht mund të kënaqet me një bazë ekonomike shumë më të ulët. Të presim e të shohim.

()