Pushtimi i Ukrainës, Putin: Rusia dëshiron t’i japë fund luftës së shpallur nga Perëndimi

Presidenti rus Vladimir Putin deklaroi se Moska dëshiron t’i japë fund konfliktit në Ukrainë që ai tha se ishte “shpallur nga Perëndimi dhe satelitët e tij”.

Duke folur në samitin e BRICS që po zhvillohet aktualisht në Afrikën e Jugut, Putin përsëriti narrativën e tij se konflikti në Ukrainë ishte një përgjigje ndaj veprimeve të Kievit dhe Perëndimit, duke përfshirë zgjerimin e NATO-s.

Kujtojmë se Rusia tha sot se kishte penguar një sulm me dron ukrainas gjatë natës në Moskë, në ditën e gjashtë radhazi të incidenteve të ngjashme të raportuara në kryeqytet. Ukraina tha gjithashtu se kishte pësuar një sulm me dron rus në rajonet e saj jugore të Odesës dhe Danubit, duke çuar në shpërthimin e zjarreve në një numër fabrikash të drithit.

()