Gjendet pa jetë një person në rezervuarin e Gjançit në Korçë, detajet e para
Një person është gjetur i pajetë në rezervuarin e Gjançit në Korçë. Sipas informacioneve paraprake dyshohet se viktimë është një i moshuar që rezulton i larguar disa ditë më parë nga banesa.
Sipas policisë, nga këqyrja e trupit nuk ka rezultuar të ketë shenja dhune. Sakaq autoritetet po punojnë për zbardhjen e plotë të ngjarjes.
Njoftimi i policisë:
Korçë/Informacion paraprak
Më datë 06.09.2023, rreth orës 17:30, në bregun e rezervuarit të Gjançit, Korçë, është konstatuar i pajetë, dyshohet i mbytur shtetasi N. N., 67 vjeç, banues në Korçë, i cili më datë 02.09.2023, ishte larguar nga banesa e tij.
Nga këqyrja paraprake e kufomës, nuk janë konstatuar shenja dhune.
Trupi i pajetë i 67-vjeçarit, do të transportohet drejt morgut, për të kryer ekspertizën mjekoligjore e cila do të përcaktojë shkakun e vdekjes.
Grupi hetimor po punon për sqarimin e rrethanave të ngjarjes.
()
