Interi magjik në derbi, Inzaghi: Ishte shenjë e forcës tonë, luajtëm mirë që nga fillimi deri në fund

Një Inter spektakolar në derbi, një Inter që bën Milanin të duket i vogël. Zikaltërit mundën 5-1 kuqezinjtë, në një sfidë që askush nuk e mendonte një goleadë të tillë. Pas 90 minutësh është shfaqur i lumtur për mediat trajneri i zikaltërve, Inzaghi.

Çfarë sinjali është ky derbi i fituar në këtë mënyrë?
“Është një shenjë që doja, forca. Duke fituar pesë derbi radhazi, dje më thanë se nuk kishte ndodhur kurrë: Jam shumë i lumtur për të gjithë familjen e Interit. Është diçka e rëndësishme, por jemi ende në javën e katërt. Tani do të vijë pjesa e vështirë, do të vijnë shumë ndeshje të komplikuara dhe do të duhet të jemi mirë.”

Sa shumë mund të rritet ky ekip?
“Pavard është një lojtar i rëndësishëm, Sanchez u kthye në mënyrë perfekte, por ai duhej të stërvitej dhe të luante. Klaassen e njëjta gjë. Ne e dimë se kemi ndryshuar një shumë, do të vijë koha e të gjithëve”.

A po bëhet strategji menaxhimi i forcave, sikur të ishin dy Inter?
“Sonte kemi nisur shumë mirë, si në ndeshjet e tjera. Ishte një moment në të cilin nuk kishte shenja, në pjesën e parë ndoshta mund të ishim më të pastër teknikisht. Pas golit 2-1, ata na lejuan hapësira që të shënojmë edhe tre gola të tjerë. Duhet të vazhdojmë kështu.”

Çfarë marrëdhëniesh keni krijuar me lojtarët tuaj?
“Kam marrëdhënie të shkëlqyera me të gjithë grupin dhe që nga ardhja ime në Milano. Është krijuar një marrëdhënie e shkëlqyer, sonte ishim të gjithë të kënaqur, ashtu siç duhej, sepse e dinim që njerëzit tanë i ndjenin edhe më shumë ndeshjet e caktuara. JS

()