Stuhia në vend, OSHEE: Rikthehet energjia në 72% të zonave të prekura

OSHEE ka njoftuar mbrëmjen e sotme, pas përballjes së vendit me reshjet intensive të shiut, se punonjësit prej 7 orësh janë angazhuar për riparimin e defekteve shkaktuar nga dëmtimi i linjave prej motit të keq.

Sipas OSHEE reshjet e shiut dhe shkarkesat atmosferike sollën avari në disa pjesë të rrjetit elektrik, si rrëzim apo thyerje shtyllash, prezencë uji në kabina, këputje përcjellësi në linjat ajrore, etj.

Po ashtu OSHEE thotë se me informacionin e orës 17:00, ka një përmirësim të furnizimit me energji elektrike me 72% për zonat e prekura nga defektet e motit të keq.