“Tentoi t’i ikte policisë”/ Mediat turke: Dritan Rexhepi po “paketohet” për në Shqipëri
Dritan Rexhepi, bosi shqiptar ose sikur njihet ndryshe “mbreti” i trafikut të kokainës nga Amerika Latine drejt Europës u arrestua në Stamboll. Ministri i Brendshëm turk deklaroi dje se falë bashkëpunimit me autoritetet italiane, Rexhepi u prangos në një vilë. Një prej mediave turke shkruan se “Dritan Rexhepi u kap teksa tentonte të arratisej me automjet”.
Mjeshtri i arratisjeve/ Si e hapi tre herë derën e burgut Dritan Rexhepi?
Në videon e shpërndarë nga autoritetet turke vila rrethohet nga forca të shuma policie dhe Rexhepi kapet brenda. Po ku do të ekstradohet tani? Janë disa shtetet që e kërkojnë, mes tyre Shqipëria, Italia, por edhe Ekuadori. Njëra prej mediave turke shkruan se pas kapjes dhe marrjes në pyetje, Rexhepi do të ekstradohet drejt Shqipërisë.
“Mësohet se pas marrjes në pyetje ai është dorëzuar nga policia në Drejtorinë e Stambollit të Administratës së Emigracionit për t’u ekstraduar në Shqipëri në përputhje me marrëveshjen e bashkëpunimit mes dy vendeve. Nga ana tjetër po hetohen lidhjet e kartelit në Turqi” shkruhet në artikull, por zyrtarisht ende nuk ka asgjë.
