Edukatorja dhe nëna që braktisi foshnjën dalin në gjykatë
Mesditën e sotme do të dalin përpara gjykatës, edukatorja Majlinda Dehima që akuzohet për dhunë ndaj një fëmijë në një kopsht privat në Tiranë dhe 30-vjeçarja Eglanta Isufi, e cila braktisi fëmijën në një bodrum në Yzberisht.
Fatkeqësisht foshnja ndërroi jetë të nesërmen në spital. Ajo ka deklaruar se arsyeja që e ka fshehur shtatzëninë dhe ka braktisur bebin ka qenë sepse nuk ka dashur që të merret vesh nga familjarët e saj, pasi është e pamartuar.
Edukatorja Dehima u arrestua pas kërkesës së prokurorisë dhe akuzohet se ka ushtruar dhunë në ambientet e kopshtit “Stinët” ndaj një vajze 3-vjeçare. Fëmija doli nga kopshti me këmbën e thyer. Në një video edukatorja shfaqet duke e goditur 3-vjeçaren me vizore.
