Sarandë, makina del nga rruga, ndërron jetë i riu

Mesnata e kësaj të shtune ka shënuar një aksident të rëndë në qytetin e Sarandës, ku ka humbur jetën një 34-vjeçar.

Aelind Qendro banor i Sarandës, ka qenë duke udhëtuar dhe ka humbur kontrollin e mjetit të tij, fillimisht duke u përplasur me bordurën dhe më pas ka rënë jashtë saj, duke gjetur vdekjen e menjëhershme.

Siç raportohet ambulanca ka transportuar 34-vjeçarin në urgjencën e spitalit, ku është konfirmuar dhe vdekja e tij.

Ngjarja ka ndodhur në hyrje të qytetit të Sarandës dhe ende nuk është bërë i ditur cili ka qënë shkaku i aksidentit.