Apeli lë në fuqi sekuestron e pronave të Gjokës së “Metamorfozës”
Lihet ne fuqi vendimi për sekuestrimin e pronave te biznesmenit Pëllumb Gjoka i arrestuar si pjesë e një grupi kriminal pas zbardhjes se komunikimeve në aplikacionin “Skye”.
Apeli i Posaçëm miratoi vendimin e shkallës së parë duke lënë në fuqi bllokimin e pasurive të investitorit strategjik. Biznesmenit Gjoka i janë sekuestruar 390 mijë metra tokë në plazhin e Velipojës me kërkesë të SPAK, ndërsa dyshohet se këto sipërfaqe toke janë përfituar me ane të falsifikimit.
Në dosjen “Metamorfoza” ka shumë personazhe të njohur për drejtësinë nga Shkodra me Bajrat tek Ervis Martinajt që shkëmbenin objektivat për t’i vrarë. Në dosje doli edhe emri i ish-shefit të operacionales, Oltion Bistri.
