La pasurinë si garanci për t’u liruar, Spanja izolon Lulzim Berishën për 37 ditë
Një gjykatë e shkallës së parë në Madrit të Spanjës, ka vendosur ditën e djeshme të caktojë një afat me burg 37 ditor për të arrestuarin Lulzim Berisha,i njohur ndryshe si kreu i bandës së Durrësit.
Masa e sigurisë është zhvilluar në gjykatën e ekstradimeve dhe Maredhenive me Jashtë, ku Berisha u njoh me dy masat e sigurisë “arrest me burg” të vendosura nga prokuroria e posaçme SPAK dhe prokuroria e Durrësit.
Berisha kishte kontraktuar një avokat në Spanjë, i cili ju drejtua gjykatës me një kërkesë për lirimin e klientit të tij,kundrejt një garancie pasurore.
Por një gjë e tillë u refuzua nga gjyqtari i çështjes,i cili vendosi të caktojë masën e sigurisë me afat 37 ditor ndaj Lulzim Berishës.
Brenda kësaj kohe SPAK dhe prokuroria e Durrësit duhet të dorëzojnë kërkesën për ekstradimin në Shqipëri të Lulzim Berishës, të cilin tashmë e pret një gjyq i hapur në SPAK lidhur vrasjen e Klodian Saliut në 2005.
Ndërsa për vrasjen e Vajdin Lamaj dhe Artan Arsit, SPAK pak kohë më parë vendosi të pushojë ndjekjen penle për Lulzim Berishën dhe ish-kunatin e tij Plaurent Dervishaj.
Në janar të vitit 2022 Lulzim Berisha u shpall në kërkim nga Prokuroria e Durrësit për të njëjtën gjë që u lirua në 2016-ën. Shkak rreth 2 vjet më parë u bë pasi Gjykata e Lartë rrëzoi vendimin e lirimit të tij me kusht.
Në vitin 2020, Lulzim Berisha u shpall në kërkim për vrasjen e Vajdin Lames dhe Klodian Saliut, vrasje të vitit 2005, të cilët u zbardhën 15 vite më vonë.
Për vrasjen e Lames dhe Arsit, çështja u pushua, ndërsa aktualisht ishte në kërkim vetëm për Klodian Saliun, i cili u vra në rrugën Durrës-Maminas, në fshatin Koxhaj teksa po lëvizte me makinën “Mercedes Benz”.
/Elton Qyno/
