Aston Villa nuk ndalet! Tjetër fitore në Premier League
Aston Villa vazhdon të dhurojë një sezon fantastik në Premier League, duke zgjatur ecurinë e saj në 9 ndeshje radhazi pa humbje në kampionat.
Sukseset përballë Manchester Cityt dhe Arsenal u vazhduan edhe ditën e sotme me fitoren 1-2 përballë Brentford, për më tepër me një përmbysje rezultati.
Lewis Potter mbylli pjesën e parë në avantazh për të tijët duke shënuar në minutën e 45’.
Në të dytën lojtarët e Unai Emery rritën ritmin dhe arritën të përmbysnin gjithçka me Moreno dhe Watkins.
Një fitore e cila konfirmon dhe më shumë formën e mirë që po kalon ekipi, fakt i cili konfirmohet dhe nga statistikat, 38 pikë në Premier League dhe 37 gola të shënuar.
