Rastësisht gjendet pas 6 vitesh vogëlushi i humbur në moshën 11-vjeçare!

Një adoleshent është gjetur në orën tre të mëngjesit duke ecur i vetëm në shi në një fshat të thellë në Francë, me një skateboard të vendosur nën krah.

Mirëpo historia nuk është kaq e thjeshtë. Mësohet se i riu ishte Alex Batty, një 17-vjeçar nga Britania, i cili ishte zhdukur që nga viti 2017.

Autoritetet britanike dhe franceze konfirmuan së fundmi se adoleshenti i gjetur nga Accidini këtë javë ishte djali që u zhduk në moshën 11-vjeçare, kur nëna dhe gjyshi i tij e morën atë në atë që ishte menduar të ishte një pushim familjar dy-javor në Spanjë.

Personat që e pikasën në rrugë e dorëzuan në sigurinë e policisë franceze. Gjatë kësaj kohe adoleshenti kishte bërë një jetë endacake.

Tani autoritetet franceze do ta kthejnë atë në Mbretërinë e Bashkuar për t’u ribashkuar me gjyshen e tij, e cila kishte kujdestarinë e tij përpara se të zhdukej.

Djali dhe gjyshja u ribashkuan këtë fundjavë.

“Nuk mund të filloj të shpreh lehtësimin dhe lumturinë time që Alex është gjetur i sigurt dhe mirë”, tha gjyshja, Susan Caruana, në një deklaratë të lëshuar nga policia britanike.