I kërcënoi të atin, 20 vjeçari plagos rëndë italianin

Dy shqiptarë janë babë e bir janë arrestuar në Itali pasi mbi ta rëndon vepra penale ‘vrasje e mbetur në tentativë’, ndaj një italiani.

Sipas mediave italiane mësohet se shtetasi italian fqinj i tyre kishte kërcënuar me thikë 50-vjeçarin shqiptar, të cilit i erdhi në ndihmë djali i tij, 20 vjeç. Konflikti degradoi më tej, ku 20-vjeçari goditi me thikë shtetasin italian në gjoks.

Gjatë përleshjes, 47-vjeçari italian ka pësuar një plagë me thikë e cila ka shkaktuar humbje të konsiderueshme gjaku, aq sa dy shtetasit shqiptarë kanë punuar për ta transportuar në urgjencën aty pranë.
I plagosuri u transportua me urgjencë për në spital ku u nënshtrua një operacioni.