Fatale/ E zuri gjumi në makinë, përplaset me parmakun, ndërron jetë 38-vjeçari shqiptar

Një aksident i rëndë ka ndodhur në Itali ku fatkeqësisht ka humbur jetën një 38-vjeçar shqiptar.

Ngjarja ka ndodhur mëngjesin e sotëm në provincën e Kremones ku raportohet se shqiptari humbi kontrollin mbi mjetin dhe u përplas me një parmak.

Përplasja ka qenë fatale për 38-vjeçarin pasi edhe pse policia dhe forcat zjarrfikëse kanë ndërhyrë, nuk është bërë e mundur të mbahej në jetë.

Hetimet për aksidentin vazhdojnë, ndërsa paraprakisht dyshohet se shqiptarin e kishte zënë gjumi.