Zelensky bën parashikimin për frontin e ri të luftës

Presidenti ukrainas Volodymir Zelensky ka deklaruar se beson se në vitin 2024 Krimeja dhe Deti i Zi do të bëhen fokus i luftës.

Udhëheqësi i Kievit, tha se izolimi i Krimesë dhe dobësimi i aftësive ushtarake ruse është “jashtëzakonisht i rëndësishëm, sepse është një mënyrë për të reduktuar numrin e sulmeve nga ky rajon”.

Zelensky është i bindur se një operacion i suksesshëm do të jepte një “shembull për botën” dhe do të kishte një efekt të madh edhe brenda Rusisë.

“Sa i përket urës së Kerçit që lidh Krimenë me Rusinë, Moska duhet ta dijë se për ne ajo është një strukturë ushtarake”, përfundoi Zelensky për ‘Economist”.