Berisha në shtëpi, mbështetësit i mblidhen sërish poshtë pallatit

Edhe ditën e sotme dhjetëra mbështetës të ish-kryeministrit Sali Berisha janë mbledhur poshtë pallatit të tij ku po mbahet nën masën e sigurisë “arrest shtëpie”.

Mbështetësit kundërshtojnë këtë masë sigurie të dhënë nga GJKKO për Berishën, ndërsa më herët janë shprehur se këto mbledhje janë në solidarizim me ish-kreun e qeverisë.

Berisha, i cili ndodhet në masën e arrestit në shtëpi prej disa ditësh ka mundur të komunikojë me mbështetësit e tij përmes fjalimeve që ka mbajtur nga dritarja e banesës.