Dinari nuk ka ikur nga Kosova! Bizneset në veri të vendit vazhdojnë të punojnë me monedhën serbe
Që nga viti 2002 në Kosovë valuta e vetme për pagesë është euro.
Megjithatë, në komunat me shumicë serbe pagesat vazhdojnë kryhen me valutën e Serbisë dinarin.
Me një rregullore të Bankës Qendrore të Kosovës do të pamundësohet një gjë e tillë që nga data 1 shkurt e këtij viti.
Bizneset në Mitrovicën e Veriut vazhdojnë të kryejnë pagesa me dinar. Edhe pse disa prej dyqaneve në këtë qytet i pranojnë të dy valutat, të pyetur nëse do të ndalojnë së pranuari dinarin si mjet pagese thanë se nuk do e bëjnë një gjë të tillë. Për qytetarët e Mitrovicës së Veriut, dinari është valuta e vetme edhe pse ka në mesin e tyre që nuk u intereson kjo çështje.
“Në dinarë, në dinarë sepse është valuta jonë”, tha një banor.
“Po varet këtu është edhe euro e dinari. Derisa të mundemi ne do të paguajmë edhe me dinarë edhe me euro, për ne është njëjtë”, u shpreh një tjetër.
Rishqyrtimin e vendimit për ndalimin e qarkullimit të dinarit në e ka kërkuar Departamenti Amerikan i Shtetit. Ndërkohë, nga Bashkimi Evropian thonë që ka pak kohë për përshtatje. Rregullorja e BQK-së thekson se e vetmja valuta e vlefshme për kryerjen e transaksioneve të pagesave me para të gatshme dhe në sistemin kombëtar të pagesave në Republikën e Kosovës është euro.
AlbaniaWeb.net
