Video nga lavanderia, Rita Ora publikon prapaskenat e këngës së re
Këngëtarja me origjinë shqiptare Rita Ora ka bërë të ditur se më 31 maj do të publikojë këngën e saj të re me titull “Ask And You Shall Receive”. Në një video të publikuar në Instagram, ylli shqiptar tregon plane nga prapaskenat e videoklipit.
“Duke i besuar procesit, ‘Ask & You Shall Receive’ vjen më 31 maj”, ka shkruar Ora në mbishkrimin e videos.
Në video Rita shfaqet me grim me ngjyrat e tokës, flokët e gjatë me kaçurrela teksa fotografohet nga koshi i një lavatriçeje. Ora duket se ka përzgjedhur një lavanderi si shesh-xhirimin e videoklipit të rradhës.
