Dalin pamjet – Taylor Swift e shpërbleu stafin e Grammy Awards me para

Edhe pse nuk fitoi asnjë çmim gjatë ceremonisë të Grammy Awards, Taylor Swift ka treguar vlerësimin për punën e palodhur të stafit të saj, duke shpërblyer ata në një mënyrë të veçantë. Këngëtarja e hitit “Shake It Off” u pa në një video të postuar në X (ish-Twitter), duke iu drejtuar katër punonjësve të shërbimit dhe duke i falënderuar për gjithë përpjekjet e tyre. “Faleminderit shumë për gjithë punën tuaj të palodhur,” tha ajo, duke shpërndarë para për stafin pas eventit.

Pavarësisht që ishte nominuar në gjashtë kategori, Taylor Swift nuk arriti të fitojë asnjë Grammy këtë vit, por ajo u shfaq e lumtur dhe në humor të mirë gjatë natës së ceremonisë, duke treguar një qasje pozitive dhe mirënjohëse. Një burim i brendshëm tha për Page Six se Taylor ishte “e nderuar” për nominimet dhe ka kaluar një mbrëmje të shkëlqyer duke u shoqëruar me miqtë dhe duke u argëtuar.

Ky veprim i saj ka nxitur komente të shumta për sjelljen e saj të mirësjellë dhe vlerësimin që tregon për ata që e mbështesin gjatë gjithë karrierës së saj.