Nën hetim prej 3 muajsh për shpërndarje të drogave të forta, arrestohet 45 vjeçari në Vlorë! Ja çfarë iu sekuestrua
Një 45 vjeçar në Vlorë është arrestuar pasi dyshohet të ketë shpërndarë lënë narkotike të forta në këtë qytet.
Në pranga ka rënë shtetasi A.B., 45 vjeç, i cili ishte vënë nën hetim prej 3 muajsh nga operacioni policor i koduar “White Snow”.
Pas një kontrolli në banesën e tij, iu gjetën dhe iu sekuestruan në cilësinë e provës materiale 220 doza kokainë, 1 peshore elektrike, 2 aparatë celularë dhe 1 makinë.
Sakaq, për shkak të hetimeve të kryera ndaj këtij shtetasi, me datë 4 mars, Gjykata e Vlorës caktoi masën e sigurisë “arrest në burg” për veprën penale “Prodhimi dhe shitja e lëndëve narkotike”.
Njoftimi
DVP Vlorë
Finalizohet pas një hetimi 3-mujor operacioni policor i koduar “Ëhite Snoë”, vihet në pranga një 45-vjeçar me masë sigurie “Arrest në burg”, i dyshuar për shpërndarjen e drogave të forta në Vlorë.
Sekuestrohen sasi kokaine dhe prova të tjera që lidhen me këtë veprimtari kriminale.
Specialistët për Hetimin e Narkotikëve në DVP Vlorë, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, pas një hetimi 3-mujor të kryer me metoda speciale për dokumentimin e plotë të veprimtarisë kriminale të shpërndarjes së lëndëve narkotike, finalizuan me sukses operacionin policor të koduar “Ëhite Snoë”.
Si rezultat, u bë e mundur lokalizimi dhe ndalimi i shtetasit A. B., 45 vjeç, banues në Vlorë, ndaj të cilit Gjykata e Shkallës së Parë Vlorë, me vendimin e datës 04.03.2025, caktoi masën e sigurisë “Arrest në burg”, për veprën penale “Prodhimi dhe shitja e lëndëve narkotike”.
Gjatë hetimeve, shërbimet e Policisë siguruan prova të mjaftueshme për përfshirjen e këtij shtetasi në shpërndarjen e lëndëve narkotike të llojit kokainë në zona të ndryshme të qytetit të Vlorës. Nga kjo veprimtari kriminale, 45-vjeçari ka përfituar shuma të konsiderueshme parash, të cilat dyshohet se i ka gjeneruar nga shitja e dozave të kokainës.
Gjithashtu, gjatë operacionit, shërbimet e Policisë kryen kontroll në banesën e tij, ku gjetën dhe sekuestruan në cilësinë e provës materiale: 222 doza kokainë, 1 peshore elektronike, e përdorur për ndarjen e dozave, 2 aparate celularë, dhe 1 automjet.
Në bashkëpunim me Prokurorinë, vijojnë hetimet për dokumentimin e plotë të kësaj veprimtarie kriminale dhe identifikimin e personave të tjerë të përfshirë.
Materialet procedurale i kaluan Prokurorisë, për veprime të mëtejshme.
