Dashuri, puthje & një unazë mister: Gigi Hadid konfirmon për herë të parë romancën

E gjitha nisi me një puthje pranë tortës së ditëlindjes. Në festën e saj të 30-vjetorit, Gigi Hadid konfirmoi publikisht lidhjen me aktorin Bradley Cooper përmes një postimi të ëmbël në Instagram, duke i dhënë fund thashethemeve… ose duke ndezur të reja!

Në foton që ndau me ndjekësit e saj – plot 77 milionë në Instagram – modelja shihet duke përqafuar dhe puthur Cooper-in me shumë përzemërsi. Por sytë e ndjekësve u ndalën tek një detaj i vogël me shumë domethënie: një unazë ari në gishtin e saj të martesës. Po, rrjeti shpërtheu.

Edhe pse Gigi dhe Bradley e kanë ruajtur diskrecionin për lidhjen e tyre, ajo e ka pranuar më herët për Vogue se ai i ka sjellë “normalitet” dhe e ka rikthyer në aktivitete që i mungonin, si shkuarja në teatër. Një romancë me ritëm të ngadaltë, larg syve të kamerave, por që duket se po lulëzon bukur.