Shoferi 24-vjeçar humb kontrollin e motorit! Përplaset me tjetër motomjet, plagoset

Një aksident rrugor është shënuar paraditen e sotme në Unazën Lindore të Shkodrës, ku një 24-vjeçar ka humbur kontrollin mbi motorin që drejtonte dhe është përplasur me një tjetër motomjet. Si pasojë e përplasjes, është dëmtuar i riu.

Sipas njoftimit paraprak të Policisë, ngjarja ka ndodhur rreth orës 11:00, ku shtetasi E. H., 24 vjeç, dyshohet se ka humbur kontrollin dhe është përplasur me motomjetin e drejtuar nga shtetasi M. A., 70 vjeç. I riu ndodhet aktualisht në Spitalin Rajonal të Shkodrës nën kujdesin e mjekëve.

Ndërkohë, policia ka nisur procedurat për zbardhjen e plotë të rrethanave të aksidentit dhe po punon me grupin hetimor për të sqaruar shkakun e ngjarjes.

Njoftimi i policisë:

Shkodër/Informacion paraprak

Rreth orës 11:00, në Unazën Lindore të qytetit, shtetasi E. H., 24 vjeç, duke drejtuar motomjetin, dyshohet se ka humbur kontrollin mbi drejtimin e tij dhe për pasojë motomjeti është përplasur me motomjetin me drejtues shtetasin M. A., 70 vjeç.

Si pasojë është dëmtuar shtetasi E. H., i cili ndodhet në Spitalin Rajonal Shkodër, në kujdesin e mjekëve.

Me drejtuesin e motomjetit tjetër po kryhen veprimet procedurale.

Grupi hetimor po punon për sqarimin e rrethanave të aksidentit.