S’ja doli dot ndaj betejës me tumorin! Ndahet nga jeta regjisori i ‘Fifty Shades’
James Foley, regjisor i filmave përfshirë “Glengarry Glen Ross”, “At Close Range” dhe “Fear”, u nda nga jeta në shtëpinë e tij në Los Angeles në fillim të kësaj jave.
Ai vdiq pas një beteje disavjeçare me kancerin në tru, sipas përfaqësuesit të tij. Foley punoi me yje si Sean Penn, Madonna, Al Pacino dhe Halle Berry, dhe u specializua në histori që ishin të mbushura me atmosferë dhe kishin një ndjesi noir.
Filmi i tij i parë artistik ishte drama romantike muzikore e vitit 1984 “Reckless”, me protagonistë Daryl Hannah dhe Aidan Quinn. James Foley vazhdoi me “At Close Range”, me protagonistë Penn dhe Christopher Walken në një neo-noir që përfshinte këngën e Madonnës “Live to Tell”. Madonna ishte e martuar me Penn në atë kohë, dhe regjisori vazhdoi të bashkëpunonte disa herë me Madonnën, duke drejtuar videoklipe muzikore dhe filmin e saj artistik “Who’s That Girl”.
“Glengarry Glen Ross” ishte një nga filmat e tij më të vlerësuar , dhe adaptimi i dramës së David Mamet i siguroi Pacinos një nominim për Oscar dhe një Golden Globe. Kasti i yjeve përfshinte gjithashtu Jack Lemmon, Alec Baldwin, Ed Harris dhe Alan Arkin.
Foley gjithashtu drejtoi dy vazhdimet e filmit “Pesëdhjetë Hijet e Greit” dhe 12 episodet e serialit “House of Cards”. Filmat e tjerë të Foley-t përfshinin “Two Bits” të Pacino-s, “Confidence”, “Perfect Stranger” me Berry dhe Willis, “The Chamber” dhe “The Corrupter” me Chow Yun-Fat dhe Mark Wahlberg.
