VIDEO/ “Giro D’Italia” në kryeqytet, nuk mungojnë incidentet, qytetari rrëzon në tokë çiklistin

Etapa e dytë e Giro D’Italia në Tiranë është shoqëruar me incidente. Gjatë garës në zonën e “Myslym Shyrit”, një qytetar është futur në mes të rrugës dhe ka përplasur një çiklist, me këtë të fundit që përfundoi në tokë.

Të gjendur aty, efektivët e policisë u vendosën në ndjekje të qytetarit, i cili kishte thyer rregullat.

Kujtojmë që gara e Giro D’Italia, e mbajtur këtë të shtunë në kryeqytet, përfundoi në orët e pasdites. Të dielën në Vlorë mbahet etapa e 3-të.