Michael Jordan kthehet në NBA, por jo si basketbollist

Pasi shiti aksionet e tij në Charlotte, Michael Jordan nuk kishte më asnjë lidhje me botën magjike të NBA-së , por kjo nuk zgjati shumë.

Edhe pse interesat e tij të biznesit janë zhvendosur në fusha të tjera (ndër të tjera, ai zotëron një ekip NASCAR), “Air” po kthehet në ligën më të lartë në një rol që askush nuk do ta priste.

Kjo ndodh sepse Jordan, siç është njoftuar zyrtarisht, do të jetë një “partner special” për mbulimin televiziv të NBA-së nga NBC duke filluar nga vjeshta.

NBC, e cila transmetoi ndeshjet e NBA-së nga viti 1990 deri në vitin 2002, po rikthehet në mbulimin e ligës pas një marrëveshjeje 11-vjeçare me ligën, dhe marrëveshja me Jordanin është një lajm i madh edhe pse detajet (sa shpesh do të shfaqet ai ose çfarë saktësisht do të përfshijnë detyrat e tij) nuk janë njoftuar.

Pavarësisht rolit, prania e tij vetëm në panel do t’i japë interes të ri ngjarjeve televizive, ku sigurisht vitet e fundit ka spikatur prania e Shaquille O’Neal dhe Charles Barkley.