Chelsea i lodhur nga Broja, e ardhmja enigmë

Teksa po i afrohemi fundit të sezonit, e ardhmja e Brojës mbetet ende enigmë. Sulmuesi kuqezi do të kthehet te Chelsea, pas një periudhe huazimi jo dhe aq të suksesshme te Everton.

Mediat kanë fillur të hedhin hipotezat e para. Sipas asaj që shkruhet, Blutë e Londrës nuk janë më të interesuar për huazim të thjeshtë dhe duan të shesin kartonin e futbollistit.

Gjatë verës, Chelsea do shqyrtojë të gjitha ofertat që vijnë për Brojën. Kujtojmë që lojtari ka kontratë me këtë skuadër deri në vitin 2028.