“Jay-Z ishte i zënë!” – Detaje të reja tronditëse nga marrëdhënia e Cassie dhe Diddy-t dalin në gjyq

Marrëdhënia e trazuar mes Cassie Ventura-s dhe Sean “Diddy” Combs ka qenë sërish në qendër të vëmendjes në gjyqin federal ku reperi akuzohet për trafik seksual dhe krime të tjera të rënda.

Ish-asistentja e Diddy-t, Capricorn Clark, dëshmoi se gjatë një bisede me Cassie-n, i kishte sugjeruar të largohej nga lidhja me Combs. Por përgjigjja e këngëtares i habiti të gjithë në sallën e gjyqit: “Jay-Z është i zënë, me kë të dal unë?”, ishte komenti i Cassie-t sipas dëshmisë së Clark.

Në të njëjtën ditë, dëshmitarja tregoi edhe për një episod ku Diddy, i armatosur, kishte shkuar në shtëpinë e saj dhe i kishte kërkuar ta shoqëronte për të vrarë Kid Cudi-n, i cili dyshohet se kishte pasur një romancë të shkurtër me Cassie-n gjatë një ndarjeje të përkohshme të çiftit.

Sean Combs i ka mohuar të gjitha akuzat, por dëshmitë vazhdojnë të sjellin në dritë histori shqetësuese nga jeta e tij private.