Tension në gjyqin e Diddy-t, grua e panjohur filloi të bërtiste brenda sallës së gjyqit
Tensionet u ndezën në një sallë gjyqi federale në Manhattan në ditën e 15-të të gjyqit të profilit të lartë të Diddyt, me një grua që ndërpreu me zemërim procedurat duke fyer dhe duke bërtitur ndaj producentit të famshëm të muzikës. Identiteti i gruas mbetet i panjohur, por prania e saj në sallën e gjyqit shkaktoi panik ndërsa ajo filloi të bërtiste për “sistemin” pak para se gjyqtari të urdhëronte largimin e saj nga oficerët e gjykatës.
Ndër të tjera, ajo i tha Diddy-t: “Diddy, këta djallëzorë po qeshin me ty!” Sean Combs, i veshur me një pulovër kafe mbi një këmishë të bardhë, u kthye dhe e shikoi gruan ndërsa ajo vazhdoi sulmin e saj. Pak para shpërthimit, rojet e sigurisë ishin dëgjuar duke e paralajmëruar: “Mos e bëj”.
Incidenti ndodhi pak para se Eddy Garcia, një roje sigurie private në hotelin luksoz InterContinental në Los Angeles, të dëshmonte, ku Diddy u kap në video duke rrahur brutalisht partneren e tij të atëhershme, Cassie Ventura, më 5 mars 2016.
Diddy përballet me akuza për trafikim qeniesh njerëzore, sulm seksual dhe pjesëmarrje në një organizatë kriminale, ndërsa prokurorët pretendojnë se reperi dhe biznesmeni 55-vjeçar kishte ndërtuar një rrjet të tërë kriminal rreth shfrytëzimit seksual dhe dhunës ndaj grave.
