Zbulohet rrjeti i trafikut të armëve nga Kosova në Shqipëri, ja kush janë dy organizatorët! Detaje nga operacioni
Një rrjet kriminal që trafikonte armë nga Kosova drejt Shqipërisë, për t’i shitur më pas individëve të përfshirë në veprimtari kriminale, është zbuluar dhe goditur nga Policia e Fierit. Operacioni, i zhvilluar në bashkëpunim me Prokurorinë, ka çuar në prangosjen e disa personave, ndërsa hetimet po vijojnë për identifikimin e bashkëpunëtorëve të tjerë.
Sipas njoftimit zyrtar, në krye të këtij grupi qëndronin shtetasit me iniciale Q. Sh. dhe B. B., ky i fundit me precedentë penalë dhe i përfshirë gjithashtu në kultivimin dhe shpërndarjen e kanabisit.
Hetimet kanë zbuluar se grupi ishte i strukturuar dhe vepronte në mënyrë të organizuar. Anëtarët e tjerë kishin detyra të ndara, duke përfshirë sigurimin e armëve dhe gjetjen e blerësve, që shpesh ishin individë të përfshirë në krime të rënda.
“Ky grup kriminal kishte si qëllim trafikun e armëve nga Kosova në Shqipëri dhe shpërndarjen e tyre te persona me precedentë penalë. Njëkohësisht, B. B., si drejtues i rrjetit, organizonte dhe aktivitetin e paligjshëm të kultivimit të kanabisit, me qëllim shitjen e tij në treg,” thuhet në njoftimin e Policisë së Fierit.
Operacioni është ende në zhvillim dhe hetimet po intensifikohen për të identifikuar dhe ndaluar të gjithë personat e përfshirë në këtë veprimtari kriminale me rrezikshmëri të lartë.
Gjatë operacionit u ushtruan 8 kontrolle banesash, 2 kontrolle në ambiente të dyshuara për magazinim të armëve dhe të municionit luftarak, si dhe 3 kontrolle automjetesh.
Ndërsa u sekuestruan:
4000 fidanë kanabisi (2000 të mbjellë në tokën në pronësi të shtetasit B. B. dhe 2000 të kultivuar në kubikë);
3 armë zjarri automatike, 2 armë gjahu dhe 636 fishekë të kalibrave të ndryshëm;
5000 fara kanabisi;
2 radio si të Policisë, 2 uniforma policie, 1 maskë plastike me paruke;
3 automjete dhe 10 celularë.
Gjithashtu, në banesën e shtetasit N. O., në Durrës, u sekuestrua 1 armë zjarri pistoletë, të cilën ky shtetas tentoi ta hidhte nga dritarja, në momentin e ndërhyrjes së Policisë.
Të ndaluarit janë:
B. B., 48 vjeç, banues në Kallm, Fier, i dënuar më parë në Itali, me 30 vjet burgim, për veprat penale “Shfrytëzimi i prostitucionit” dhe “Armëmbajtja pa leje”;
N. O., 53 vjeç, banues në Durrës, me precedent penal në fushën e armëmbajtjes pa leje;
Q. Sh., 48 vjeç, banues në Lushnjë, i dënuar më parë për veprimtari kriminale në fushën e narkotikëve dhe të armëmbajtjes pa leje;
B. B., 33 vjeç, banues në Divjakë.
Gjithashtu, u procedua në gjendje të lirë një 51-vjeçar nga fshati Peshtan, Fier, i arrestuar më parë për kundërshtim të punonjësve të Policisë.
Njoftimi i plotë:
Goditet një grup kriminal për trafikim armësh, kultivim dhe shitje të kanabisit. 4 shtetas në pranga, 6 armë zjarri e gjahu, 4000 fidanë kanabisi, 5000 fara kanabisi, qindra fishekë të kalibrave të ndryshëm, radio dhe uniforma si të Policisë, të sekuestruara.
Operacioni policor i koduar “Procedimi” është finalizimi i një procedimi penal të ndjekur me metoda speciale të hetimit, në drejtimin e Prokurorisë së Fierit.
Procedimi u iniciua nga Sektori për Hetimin e Narkotikëve dhe Trafiqeve të Paligjshme në DVP Fier dhe u ndoq në bashkëpunim me Drejtorinë e Forcës së Posaçme Operacionale të Policisë së Shtetit.
Siç është bërë publike edhe më parë përmes njoftimeve tona për shtyp, strukturat e DVP Fier kanë vijuar pa ndërprerje operacionet për parandalimin dhe goditjen e veprimtarive kriminale. Në kuadër të këtyre përpjekjeve, specialistët e sektorit për Hetimin e Narkotikëve të DVP Fier siguruan informacion përmes inteligjencës policore dhe e referuan në Prokurorinë e Fierit, e cila regjistroi procedimin penal nr. 1815/2024, që u ndoq për disa muaj, me metoda speciale të hetimit.
Nga hetimet rezultoi se disa shtetas, në bashkëpunim me njëri-tjetrin, ushtronin veprimtari kriminale në fushën e trafikimit të armëve dhe municioneve të kalibrave të ndryshëm, si dhe mbanin armë zjarri, për qëllime kriminale. Ky aktivitet kryhej në disa qytete të vendit, si Fier, Lushnjë, Durrës, Shkodër dhe Kukës, ndërsa në disa raste armët siguroheshin nga Kosova dhe futeshin ilegalisht përmes kufirit të gjelbër në PKK Morinë.
Po nga hetimet rezultoi se ky grup merrej edhe me kultivimin dhe shitjen e kanabisit.
Në vijim të hetimeve, u organizua dhe u finalizua operacioni policor i koduar “Procedimi”.
Gjatë operacionit u ushtruan 8 kontrolle banesash, 2 kontrolle në ambiente të dyshuara për magazinim të armëve dhe të municionit luftarak, si dhe 3 kontrolle automjetesh.
Gjatë këtyre kontrolleve u sekuestruan:
4000 fidanë kanabisi (2000 të mbjellë në tokën në pronësi të shtetasit B. B. dhe 2000 të kultivuar në kubikë);
3 armë zjarri automatike, 2 armë gjahu dhe 636 fishekë të kalibrave të ndryshëm;
5000 fara kanabisi;
2 radio si të Policisë, 2 uniforma policie, 1 maskë plastike me paruke;
3 automjete dhe 10 celularë.
Gjithashtu, në banesën e shtetasit N. O., në Durrës, u sekuestrua 1 armë zjarri pistoletë, të cilën ky shtetas tentoi ta hidhte nga dritarja, në momentin e ndërhyrjes së Policisë.
Gjatë operacionit u ndaluan shtetasit:
B. B., 48 vjeç, banues në Kallm, Fier, i dënuar më parë në Itali, me 30 vjet burgim, për veprat penale “Shfrytëzimi i prostitucionit” dhe “Armëmbajtja pa leje”;
N. O., 53 vjeç, banues në Durrës, me precedent penal në fushën e armëmbajtjes pa leje;
Q. Sh., 48 vjeç, banues në Lushnjë, i dënuar më parë për veprimtari kriminale në fushën e narkotikëve dhe të armëmbajtjes pa leje;
B. B., 33 vjeç, banues në Divjakë.
Gjithashtu, u procedua në gjendje të lirë një 51-vjeçar nga fshati Peshtan, Fier, i arrestuar më parë për kundërshtim të punonjësve të Policisë.
Nga hetimet rezulton se ky grup vepronte i organizuar, me qëllim trafikimin e armëve nga Kosova në Shqipëri, për t’i shitur më pas tek individë të përfshirë në veprimtari kriminale.
B. B dhe Q. Sh. ishin organizatorët e grupit. Anëtarët e tjerë kishin rol në sigurimin e armëve dhe në gjetjen e klientëve.
Njëkohësisht, kryetari i grupit, B. B., organizonte kultivimin dhe më pas shitjen e kanabisit.
Operacioni vijon dhe hetimet po thellohen, për të identifikuar dhe kapur shtetasit e tjerë të përfshirë në këto veprimtari kriminale.
