Irani nis sulmin hakmarrës ndaj Izraelit, shpërthime në Tel Aviv dhe Jerusalem! (PAMJET LIVE)
Konflikti mes Iranit dhe Izraelit ka hyrë në një fazë alarmante, pasi Teherani nisi zyrtarisht një sulm hakmarrës ndaj Izraelit të premten në mbrëmje. Agjencia shtetërore iraniane IRNA konfirmoi nisjen e operacionit ushtarak, duke shënuar një përshkallëzim të rrezikshëm të përplasjes mes dy vendeve.
Forcat e Mbrojtjes së Izraelit (IDF) deklaruan përmes një njoftimi në platformën X (ish-Twitter):
“I gjithë Izraeli është nën zjarrin e raketave iraniane.”
PAMJET DIREKTE NGA TEL AVIV
PAMJET DIREKTE NGA JERUSALEMI
Sipas korrespondentëve të CNN në terren, shpërthime të fuqishme janë dëgjuar në Tel Aviv dhe Jerusalem, ndërsa sirenat e alarmit kanë përfshirë një pjesë të madhe të territorit izraelit.
Ushtria izraelite ka konfirmuar se raketat janë lëshuar drejtpërdrejt nga territori iranian, dhe sistemet e mbrojtjes ajrore janë aktivizuar për t’i interceptuar ato.
“Sistemet e mbrojtjes janë në funksion dhe po përpiqen të kapin raketat hyrëse,” thuhet në deklaratën zyrtare të IDF.
Autoritetet izraelite u kanë bërë thirrje qytetarëve të kërkojnë menjëherë strehim në hapësirat e mbrojtura, ndërsa situata po zhvillohet me shpejtësi dhe mbetet tepër e paqëndrueshme.
