Aksident tragjik me balona në Turqi, një i vdekur dhe 19 të plagosur! Ja çfarë dyshohet

Një aksident i rëndë ka ndodhur në provincën Aksaray të Turqisë qendrore, ku dy balona me ajër të nxehtë janë përplasur pranë zonës turistike të Luginës Ihlara, duke shkaktuar një viktimë dhe 19 të plagosur. Lajmi është konfirmuar nga Agjencia e Lajmeve Ilhas.

Ngjarja ndodhi në një nga zonat më të njohura për turizmin ajror në Turqi, Kapadokia, e famshme për formacionet e saj unike shkëmbore, të quajtura shpesh “dëbora e përrallave”, si dhe për statusin e saj si vend i trashëgimisë botërore i UNESCO-s.

Pamjet e publikuara nga mediat tregojnë balonat e dëmtuara dhe koshët e pasagjerëve të përmbysur, ndërsa shërbimet e emergjencës ndodhen në vendngjarje duke u dhënë ndihmën e parë të plagosurve.

Ende nuk janë bërë të ditura shkaqet e saktë të aksidentit, ndërsa autoritetet turke kanë nisur hetimet për zbardhjen e plotë të rrethanave.

Kujtojmë këtu që turizmi me balona në Kapadokia është një aktivitet shumë i popullarizuar, që tërheq çdo vit mijëra turistë nga e gjithë bota, por aksidenti i sotëm rikthen në vëmendje shqetësimet për sigurinë e këtyre fluturimeve ajrore.