Krim brenda familjes në Greqi! Djali vret prindërit me gërshërë, ja për çfarë dyshohet

Një ngjarje e rëndë ka ndodhur sot pak para orës 18:00 në zonën e Messinias, në Kalamata të Greqisë.

Siç raportojnë mediat vendase një 61-vjeçar ka vrarë prindërit e tij, babanë 96-vjeçar dhe nënën 93-vjeçare.

Dyshohet se të moshuarit janë vrarë me gërshërë brenda banesës së tyre këtë të diel.

Mësohet se autori vuan nga probleme psikologjike.

Nuk dihen ende rrethanat e ngjarjes. Kanë qenë fqinjët ata që telefonuan policinë, pasi dëgjuan britma nga banesa e çiftit të moshuarve.

Me të mbërritur policia në vendngjarje gjeti dy të moshuarit përtokë mes gjakut dhe djalin e tyre, i cili u arrestua.