Arsyeja pse Trump nuk do të marrë pjesë në dasmën e Jeff Bezos dhe Lauren Sanchez
Donald Trump thuhet se ka refuzuar një ftesë për në dasmën e Jeff Bezos.
Miliarderi i teknologjisë, Bezos, pritet të martohet me Lauren Sanchez (28 qershor) në Venecia të Italisë, por festimet e tyre të dasmës kanë filluar tashmë në atë që besohet të jetë një ceremoni pesë-ditore. Megjithatë, çifti është përballur me probleme përpara ceremonisë së nesërme dhe u detyruan të ndryshojnë vendin e dasmës si rezultat i protestave anti-Bezos në qytet.
Edhe pse mund ta kenë ndryshuar vendin e dasmës, planet e tyre të dasmës janë ende duke u realizuar dhe të famshëm nga e gjithë bota kanë udhëtuar drejt Evropës. Nga Kim Kardashian dhe Orlando Bloom, te Tom Brady dhe Leonardo DiCaprio, dhjetëra fytyra të famshme janë parë në Venecia.
Një person që nuk do të jetë atje është Presidenti Donald Trump, pavarësisht se thuhet se është ftuar.
Zyrtarët e Shtëpisë së Bardhë kanë konfirmuar se Trump ishte me të vërtetë në listën e të ftuarve, por ai u detyrua ta refuzonte ftesën për shkak të axhendes.
Vajza e Trump, Ivanka Trump, dhe bashkëshorti i saj do të shkojnë megjithatë. Edhe Donald Trump Jr. do të shkojë.
