Jo më duhan në plazhe dhe stacione autobusi, masa të reja kundër pirjes së cigares

Në ditët në vijim, pirja e duhanit do të ndalohet në të gjitha parqet, plazhet, ambientet sportive, stacionet e autobusëve dhe zonat pranë shkollave, si pjesë e një fushate të re të Francës për të kufizuar ndikimin e duhanpirjes në hapësirat publike dhe veçanërisht tek fëmijët.

Vendimi vjen në një vend ku, për dekada, duhani është glamorizuar në kulturën popullore dhe kinematografi, duke u bërë pjesë e identitetit kombëtar francez. Megjithatë, autoritetet shëndetësore janë të vendosura të ndryshojnë këtë perceptim.

“Në Francë ende mbizotëron mentaliteti që thotë: ‘kjo është një ligj që kufizon lirinë,’” u shpreh Philippe Bergerot, president i Lidhjes Franceze Kundër Kancerit, për agjencinë Associated Press.

Sipas tij, qëllimi i këtij ndalimi nuk është t’u ndalohet njerëzve të pinë duhan, por të kufizohet përdorimi i tij në mjedise ku ekspozimi pasiv mund të dëmtojë të tjerët, veçanërisht të miturit.

“Ky është një hap drejt asaj që ne e quajmë ‘denormalizim’ – sepse në mendjet e shumë njerëzve, pirja e duhanit ende shihet si diçka normale,” shtoi Bergerot.