Kourtney Kardashian vlerësohet për mungesën në dasmën e Bezos: E vërtetë dhe me klas

Ndërsa emrat më të mëdhenj të showbiz-it, përfshirë motrat Kardashian-Jenner, ishin të pranishme në dasmën madhështore të Jeff Bezos dhe Lauren Sánchez në Venecia, Kourtney Kardashian zgjodhi të kalojë fundjavën në mënyrë më të thjeshtë, në përvjetorin e martesës me bashkëshortin Travis Barker dhe fëmijët e saj.

Në vend të luksit dhe vëmendjes mediatike, 46-vjeçarja ndau me ndjekësit në Instagram momente të qeta në ambient intim pranë oqeanit. Darka romantike, trëndafila të kuq dhe një menu e personalizuar ishin detajet që e bënë këtë përvjetor të tretë të veçantë.

Veshur me stil elegant, por pa teprime, Kourtney u shfaq me një pamje të natyrshme dhe të përkushtuar ndaj familjes. Ndjekësit e vlerësuan qasjen e saj, duke e cilësuar si “motra më e vërtetë” dhe “shembull i thjeshtësisë me klas”.