“Shqiptarët s’janë mish për dhëmbët e propagandës së shpëlarjes së trurit pas Brexit-it”, kryeministri Rama i kundërpërgjigjet politikanit britanik: Keni vendosur të vazhdoni në gabim, më lejo te të ndihmoj

Kryeministri Edi Rama ka reaguar me tone të forta ndaj deklaratës së politikanit britanik Nigel Farage, i cili së fundmi pretendoi se “1 në 48 shqiptarë që jetojnë në Britani është në burg”. Në një postim në rrjetet sociale, Rama e cilëson këtë shifër si të pavërtetë, të nxjerrë nga konteksti dhe të përdorur për qëllime propagandistike.

“Jo, Nigel, nuk është një në 48 dhe as një në 3, siç më pas shpreheni ju. Dhe po, e thatë se i keni kontrolluar shifrat dy herë… por duket qartë se keni vendosur të qëndroni në gabim,” shkruan Rama, duke e akuzuar Farage për manipulim të të dhënave në funksion të diskursit politik post-Brexit.

Kryeministri shqiptar nënvizon se shifrat e referuara nga Farage janë jo vetëm të pasakta, por edhe denigruese për komunitetin shqiptar në Mbretërinë e Bashkuar. Ai i referohet të dhënave të Ambasadës Shqiptare në Londër, sipas të cilave në Britani jetojnë mbi 300 mijë shqiptarë, një numër shumë më i madh se sa ai i cituar nga media britanike The Telegraph, e cila pretendonte rreth 53 mijë.

Postimi i kryeministrit Rama ne X

Nigel, Nigel, Nigel…

Nga “një kriminel për çdo pesëdhjetë shqiptarë”, deklarata jote ka degjeneruar në:
“Ndoshta është një në tre apo ndoshta një në katër, nuk e di”

Vërtet? Nuk e di?
Dhe kjo pasi the se i kishe “verifikuar dy herë” shifrat?

Unë tashmë të drejtova te burimi yt — artikulli i The Telegraph, edhe pse i paqëndrueshëm. Por ti duket se këmbëngul në gabim.

Më lejo, pra, të të ndihmoj me pak më shumë qartësi.

Sipas të dhënave të Ambasadës së Shqipërisë në Mbretërinë e Bashkuar, një institucion që merret me njerëz të vërtetë, jo me tinguj propagande të Brexit-it, numri i shqiptarëve në Britani nuk është 53,000 siç thotë fillimisht The Telegraph.

Në fakt, po në atë artikull, thuhet qartë:

“Kjo analizë ka gjasa të nënvlerësojë madhësinë e popullsisë shqiptare.”

Më pas spekulohet se numri mund të jetë rreth 140,000.

Në realitet, z.Nigel Farage, e vërteta është kjo: shifra tejkalon 300,000 vetë.

Këta janë *arsimtarë, **punëtorë ndërtimi, **mjekë, **infermierë, **kujdestarë për të moshuarit dhe të sëmurët* , njerëz që shërbejnë me dinjitet në vendin tuaj sikur të ishte i tyre.

Nuk janë mish për propagandën e një epoke të lodhur politike. Janë pjesë e gjallë e shoqërisë britanike.

Edhe pa kontrolluar për moshë, gjini apo status social, përllogaritjet e tua bien. Nuk është një në pesëdhjetë. Dhe absolutisht jo një në tre apo katër.
Këto nuk janë statistika, janë pjesë e frikës e maskuar si “fakt.”

Dua të të pyes drejtpërdrejt tani;
*Pse është kaq e vështirë të pranosh se ke gabuar*, pa fyer dhe baltosur një komunitet të tërë njerëzish që i shërbejnë vëndit tuaj si të ishte i tyre?

Britania është një vend i madh.

Jo më pak falë *diversitetit të saj, **qëndrueshmërisë* dhe *forcës multikulturore*.
Një shoqëri që vuan nga trauma politike *nuk ka nevojë për armiq imagjinarë, **për viktima të rreme, apo **mitologji në vend të realitetit*.

Shpresoj me gjithë zemër që vizita jote e ardhshme në Shqipëri të të frymëzojë të luftosh *për ide, jo **kundër njerëzve* — në frymën e traditës së madhe liberale britanike.

Me kënaqësi do të të mirëpres si *i ftuar nderi* në vendin tonë të bukur.

Por përpara se të shijosh diellin e vërtetë dhe mikpritjen shqiptare, a mund të biem dakord që të flasim për *fakte, e jo për **fantazitë e tua*?

*Le ta caktojmë datën.*