Mjeku i Diogo Zotës zbulon orët e fundit të yllit të Liverpoolit: Udhëtoi natën për të shmangur vapën! Ja pse nuk udhëtoi me avion

Një tragjedi që tronditi komunitetin e futbollit ndodhi në orët e para të së enjtes në Spanjë, kur Diogo Zota dhe vëllai i tij, André, humbën jetën në një aksident me makinë në rajonin Samaora.

Sulmuesi portugez i Liverpoolit po udhëtonte me një Lamborghini Huracan, të cilin po e drejtonte për në Spanjën veriore për të hipur në një traget që shkonte në Angli.

Vetëm dy javë pas dasmës së tij, dhe me ëndrrat për një rikthim në fushë, jeta e tij u ndërpre dhunshëm në moshën 28-vjeçare.

Personi që ishte më afër tij ditët e fundit, fizioterapisti i tij Miguel Gonçalves, dha një dëshmi prekëse rreth orëve të fundit të futbollistit, ndërsa në të njëjtën kohë riktheu të vërtetën rreth thashethemeve që pasuan ngjarjen tragjike.

Miguel Gonçalves kishte qenë duke punuar me Zotën vetëm pesë orë para aksidentit fatal, pasi lojtari vuante nga një sëmundje e rrallë e quajtur pneumotoraks (kolaps i mushkërive).

Lojtari kishte luajtur pavarësisht gjendjes së tij, duke shtyrë një operacion nga maji deri pas fitores së Portugalisë ndaj Spanjës në Ligën e Kombeve në fillim të këtij muaji.

Gonçalves i mohoi kategorikisht thashethemet se vëllezërit po argëtoheshin para aksidentit, duke e përshkruar Jotën si një “profesionist të pakrahasueshëm”.

“I thashë mirë u pafshim atij dhe të vëllait, rreth orës 8:30 të mbrëmjes. Andre vendosi të shkonte me të, ta shoqëronte në udhëtim, dhe në këtë mënyrë do të kalonin më shumë kohë së bashku”, tha Gonçalves për gazetën portugeze Record.

“Ata do të udhëtonin natën sepse ishte më freskët, por nuk do të shkonin direkt. Ai më tha se udhëtimi do të zgjaste rreth tetë orë, por do të ndalonin në një hotel në zonën e Burgos për të pushuar. Diogo ishte shumë i vetëdijshëm për profesionalizmin e tij. Ata duhej të mbërrinin në Santander sot, të merrnin tragetin dhe pastaj të shkonin në Angli. Familja do të mbërrinte më vonë me aeroplan dhe më pas, të hënën, do të kishin një takim mjekësor në Liverpool për të vlerësuar situatën”, tha Gonçalves.

Ai shtoi se: “Ishte padyshim një profesionist i pakrahasueshëm. Ai ndoqi gjithçka që i thashë saktësisht, siç mund ta shihnit nga mënyra se si po shërohej. Kur e lashë dje, s’kishte dhimbje dhe duhej të kthehej në Liverpool.”