Fansat habiten: Billie Eilish vjen nga një familje me famë, a është ajo një “nepo baby”?
Fansat e Billie Eilish janë surprizuar pasi kanë zbuluar se prindërit e saj janë aktorë të njohur, duke ngritur menjëherë pyetjen në rrjete sociale: “A është Billie një nepo baby?”
Këngëtarja 23-vjeçare, e konsideruar si një nga yjet më të mëdhenj të pop-it sot, u bë e famshme që në moshën 14-vjeçare dhe ka fituar një mori çmimesh prestigjioze, përfshirë Grammy, BRIT dhe Billboard Music Awards.
Por jo të gjithë dinin që edhe prindërit e saj janë të njohur në botën e artit. Nëna e saj, Maggie Baird, ka luajtur në disa seriale dhe filma të njohur, përfshirë edhe një rol në serialin legjendar “Friends”, në vitin 1999, përpara se Billie të lindte. Ajo shfaqet si një drejtoreshë kasti në episodin “The One Where Joey Loses His Insurance”.
Përveç “Friends”, Maggie ka luajtur edhe në filmin thriller “An Innocent Man” (1989), si dhe në seriale të njohura si “The X-Files”, “Six Feet Under” dhe “Bones”.
Nga ana tjetër, babai i Billie-t, Patrick O’Connell, është gjithashtu aktor, i njohur për rolin e tij në filmin “Iron Man” (2008), si dhe për paraqitjet në “The West Wing”, “Baskets” dhe “Hunter”.
Pas këtij zbulimi, rrjetet sociale janë mbushur me komente nga fansat e habitur, ku njëri shkruan: “Të dy prindërit e saj janë aktorë?!” ndërsa një tjetër thjesht pyet: “Pra, Billie është një nepo baby?”
