Kërkohet nga Bayern dhe Barcelona, Diaz thyen heshtjen: Jemi në negociata…
Luis Diaz është në qendër të vëmendjes këtë verë, me Barcelonën dhe Bayern Munich që janë gati të luftojnë në distancë për anësorin kolumbian të Liverpoolit. Edhe pse ka kontratë në Anfield deri në vitin 2027, thashethemet për të ardhmen e tij nuk mungojnë. Diaz ka folur së fundmi, pikërisht për këtë temë.
“Jemi në fazën e negociatave. Po flasim me Liverpoolin dhe klube të tjera. Jam i lumtur aty ku jam, por duam të marrim vendimin më të mirë për të gjithë”- tha sulmuesi Diaz.
Topi tani është në fushën e dy klubeve të interesuara, të cilat duhet të bëjnë një ofertë konkrete për të zhbllokuar operacionin.
