Balenciaga i thotë lamtumirë Demna-s me Kim në qendër

Kim Kardashian u ngjit në pasarelë në Javën e Modës në Paris për koleksionin couture të Balenciaga-s për vjeshtën 2025, një shfaqje që shënoi lamtumirën e Demna Gvasalia-s si drejtor kreativ i markës.

E veshur me një fustan krem elegant me dantellë dhe një pallto leshi të bardhë, Kim kompletoi look-un me diamantë spektakolarë nga Lorraine Schwartz, përfshirë vathë që dikur i përkisnin Elizabeth Taylor. Pamja ishte një homazh për filmin Cat on a Hot Tin Roof (1958).

Pak para sfilatës, Kim kishte tërhequr vëmendjen në rrugët e Parisit me një fustan rozë neon dhe çizme të kombinuara, të cilin e quajti në Instagram:
“Balenci Barbie 4Lyfe”.