Boks/ Përballje “Big” në Wembley, Usyk dhe Dubois sfidohen për titullin kampion të peshave të rënda
Daniel Dubois ka deklaruar se do të “sjellë kaos” kundër Oleksandr Usyk të shtunën, ashtu siç bëri në fitoren e tij ndaj Anthony Joshua-s në shtator.
Usyk dhe Dubois u përballën për herë të parë në një takim intensiv ballë për ballë në shkallët e stadiumit Wembley të martën, për të nisur ndërtimin e atmosferës për duelin e tyre për titullin në peshat e rënda.
Tensionet u rritën kur të dy boksierët u përballën për herë të parë, të rrethuar nga ekipet e tyre, mediat dhe publiku.
Nga ekipi ukrainas u dëgjuan brohoritje “USYK, USYK”, ndërsa një anëtar i ekipit të Dubois bërtiti “Mirë se erdhe në Angli” dhe “Tani jemi në Londër, jo në Poloni”, duke iu referuar ndeshjes së parë mes tyre në Wrocław në vitin 2023, të cilën Usyk e fitoi me nokaut në raundin e 9-të.
Dubois bërtiti “JAM KAMPIONI I RI” në fytyrën e kundërshtarit të tij, ndërsa synon të bëhet kampioni i ri i padiskutueshëm në peshat e rënda.
Dubois është i bindur se mund të bëjë ndaj Usyk të njëjtën gjë që bëri ndaj Joshua-s në të njëjtin vend në shtator, kur e rrëzoi atë tri herë përpara se ta nokautonte brutalisht në raundin e 5-të.
