Aksident në Lezhë, përplaset nga automjeti një këmbësor në lagjen “Gurra”

Një aksident rrugor është regjistruar pak minuta më parë në lagjen “Gurra” të qytetit të Lezhës, ku një automjet tip “Golf” ka përplasur një shtetas që ndodhej në rolin e këmbësorit.

Sipas informacioneve paraprake, i dëmtuari sapo kishte dalë nga një market i zonës dhe po kalonte rrugën, kur është goditur nga automjeti. Dyshohet se drejtuesi i makinës nuk ka arritur ta vërejë në kohë, çka ka çuar në përplasjen.

I plagosuri është transportuar menjëherë në Spitalin Rajonal të Lezhës, ku po merr ndihmën mjekësore. Ende nuk ka të dhëna zyrtare mbi gjendjen e tij shëndetësore.

Në vendin e ngjarjes ndodhen forcat e policisë dhe grupi hetimor, të cilët kanë nisur punën për të sqaruar rrethanat dhe shkakun e aksidentit.