E trishtë! Ndërron jetë aktori i “The Cosby Show”, Malcolm-Jamal Warner
Aktori i njohur amerikan, Malcolm-Jamal Warner, ka ndërruar jetë në moshën 54-vjeçare.
Sipas TMZ dhe revistës People, shkaku i vdekjes ishte mbytja aksidentale. Lajmi u konfirmua më 21 korrik dhe ka tronditur fansat dhe industrinë e filmit në SHBA.
Warner u bë i famshëm për rolin e tij si Theodore Huxtable në serialin legjendar “The Cosby Show”, ku luajti gjatë të gjitha tetë sezoneve nga viti 1984 deri në 1992.
Për dekada, ai mbeti një figurë e dashur në ekran dhe u vlerësua për kontributin e tij në kulturën televizive amerikane.
