Luan “shansin e jetës”, Marcus Rashford transferohet në Barcelonë

Sulmuesi anglez transferohet nga Manchester United te Barcelona në formë huazimi me të drejtë blerjeje

Marcus Rashford ka mbërritur në Barcelonë, gati për të nisur aventurën e re. Juventusi kishte bërë një sondazh në ditët e fundit, por futbollisti anglez gjithmonë i ka dhënë përparësi Barcelonës dhe trajneri Hans Flick ka insistuar shumë për ta marrë sa më shpejt.

FORMULA – Jashtë projektit të Manchester United, Rashford do të kalojë te Barcelona në huazim me të drejtë blerjeje të caktuar në 30 milionë euro. Klubi katalanas do t’i paguajë rrogën lojtarit, i cili ka pranuar ta ulë atë me 15%. Disa vite më parë, transferimi i sulmuesit te Barcelona do të kishte bërë bujë, ndërsa sot anglezi duhet të rigjejë veten.

LARGIMI NGA UNITED – Manchester United vjen pas një sezoni katastrofik, i përfunduar me humbjen në finalen e Europa League kundër Tottenhamit. Disa lojtarë, përfshirë edhe Rashfordin, i kishin komunikuar klubit dëshirën për t’u larguar. Kjo e bindi trajnerin Amorim që të mos i lejonte të stërviteshin me pjesën tjetër të skuadrës. Anglezi do të duhet të rikthejë formën e tij, për të qenë gati të kompletojë një sulm ëndrrash së bashku me Yamal, Raphinha dhe Lewandowskin.

Edhe ditën e sotme dy të përditshmet më të mëdha katalanase “SPORT” dhe “Marca” ditën e sotme I kishin dhënë hapësirën kryesore transferimit të Rashford tek Barça, me sulmuesin anglez që ditën e sotme ka zbarkuar në Barcelonë, ku do t’i nënshtrohet vizitave mjekësore.

Gjithsesi duke marrë në konsideratë sezonet e fundit të tij, të cilat kanë lënë shumë për të dëshiruar, për anglezin do të mbetet një objektiv tepër I vështirë, ai për të siguruar një fanellë titullari tek skuadra plot “yje” e drejtuar nga gjermani Hansi Flick.