Flakët kanë përfshirë një sipërfaqe të gjerë, situata në Borsh vijon të mbetet alarmante! Rritet rreziku për banesat dhe bizneset

Situata me zjarret në zonën e Borshit vazhdon të jetë tepër shqetësuese, ku flakët kanë përfshirë një sipërfaqe të gjerë, ndërsa rreziku për banesat dhe bizneset është në rritje.

Që në orët e para të mëngjesit të sotëm, ka nisur ndërhyrja ajrore me dy helikopterë të Forcave Ajrore, ndërkohë që në terren ndodhen edhe forcat zjarrfikëse dhe strukturat e emergjencës, të cilat po përballen me flakët në kushte të vështira.

Ministri i Mbrojtjes, Pirro Vengu, ka bërë me dije se për shkak të rrezikut të madh, janë evakuuar 40 persona nga zonat e kërcënuara. Flakët janë afruar ndjeshëm pranë zonave të banuara dhe bizneseve buzë vijës bregdetare, duke shtuar ndjeshëm nivelin e alarmit.