Zjarret në vend/ Dy vatra ende aktive, Skërfica dhe Skrapari zonat më problematike. Ministria e Mbrojtjes: Rreziku mbetet i lartë në disa qarqe
Ministria e Mbrojtjes ka raportuar se gjatë 24 orëve të fundit janë regjistruar 52 vatra zjarri në të gjithë vendin. Dy prej tyre mbeten ende aktive, ndërsa 4 janë në monitorim dhe 46 janë shuar.
Vatrat aktive:
• Skërfica, Gjirokastër – Zjarri në zonën perëndimore të tunelit nuk është mundur të shuhet për shkak të terrenit të thepisur dhe bimësisë së dendur. Ndërhyrja po kryhet vetëm përmes monitorimit nga MZSH e bashkisë.
• Spatharë, Skrapar – Zjarri ka përfshirë një sipërfaqe kullote. Në terren ndodhen forca të shumta nga strukturat operacionale që po punojnë për izolimin e flakëve.
Vatra në monitorim, për të shmangur riaktivizimin:
• Fshati Lajthizë, Parku Kombëtar i Prespës (Bashkia Pustec)
• Fshati Dishnicë, Bashkia Korçë
• Fshati Strelcë, Bashkia Maliq
• Fshati Veliq, Bashkia Tropojë
Në operacionet e shuarjes janë angazhuar:
• 52 automjete zjarrfikëse
• 722 forca operacionale
• 2 helikopterë të Forcave të Armatosura, që operuan në dy zona problematike
Parashikimi i motit: Sipas IGJEUM, sot priten reshje të dobëta deri mesatare në qarqet Shkodër, Kukës, Lezhë dhe Durrës, ndërsa në pjesën tjetër të vendit reshje të dobëta.
Rreziku nga zjarret në pyje:
• “I LARTË”: Elbasan, Fier, Berat, Korçë
• “I MODERUAR”: në qarqet e tjera
Thirrja e autoriteteve: Qytetarët të shmangin çdo veprim që mund të shkaktojë zjarr (djegie mbeturinash, përdorim i hapur i flakës, etj.) dhe të raportojnë çdo vatër të dyshuar tek strukturat përkatëse.
