Laert Vasili për Ilnisën: Nuk mund të bëj dashuri me të
Aktori i njohur Laert Vasili, ish-finalist i “Big Brother VIP Albania 4”, ka folur pa komplekse për marrëdhënien e tij shoqërore me Ilnisa Agollin, në një intervistë ekskluzive për programin “Live From Tirana” me Ronaldo Sharkën.
Për të sqaruar çdo keqkuptim, Vasili ka theksuar se lidhja e tij me Ilnisën është e bazuar vetëm në miqësi të thellë. Kur Ronaldo e pyeti nëse ka pasur ndonjëherë tërheqje seksuale ndaj Ilnisës, aktori reagoi me humor: “Çfarë thua?! Ilnisën e njoh prej 11 vitesh, e kam shoqe. Unë nuk i ngatërroj këto.”
Përveç kësaj, Laerti i dha një përgjigje të qartë dhe të mençur kur iu referua një deklarate të Ilnisës, ku ajo kishte thënë se edhe nëse mashkulli i fundit në botë do të ishte Laerti, ajo nuk do të bëjë kurrë marrëdhënie me të. “Ka shumë të drejtë! Unë të ofendohem?! Përkundrazi! Edhe sikur femra e fundit në botë të ishte Ilnisa, nuk do të kisha asgjë seksuale me të. E kam shoqe!” shprehet Laerti, duke theksuar se për të, një shoqe është si një motër dhe se nuk ka vend për inceste në miqësi.
